ភ្នំពេញ៖ កាលពីល្ងាចថ្ងៃទី២ ខែកញ្ញា ឆ្នាំ២០២០ម្សិលមិញនេះ អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់គ្រុប បានរៀបចំធ្វើពិធីខួបកំណើត នៅភូមិគ្រឹះរបស់លោក ស្ថិតនៅក្នុងសង្កាត់ទួលទំពូង ខណ្ឌចំការមន រាជធានីភ្នំពេញ។
ក្នុងពិធីខួបកំណើតមហាសេដ្ឋី គិត ម៉េង នោះ គេឃើញមានការចូលរួមពីឥស្សរជន និងអ្នកជំនួញល្បីជាច្រើន ដោយក្នុងនោះ គេក៏បានកត់សម្គាល់ឃើញវត្តមានរបស់លោកជំទាវ ហ៊ុន ម៉ាណា អគ្គនាយិកាស្ថានីយ៍ទូរទស្សន៍បាយ័ន និងជាកូនស្រីរបស់សម្តេចតេជោ ចូលរួមផងដែរ។
សូមបញ្ជាក់ថា អ្នកឧកញ៉ា គិត ម៉េង កើតនៅខែកញ្ញា ឆ្នាំ១៩៦៨ ក្នុងខេត្តកណ្តាល ហើយលោកជាកូនទី៣ (កូនពៅ) របស់ពាណិជ្ជករ ជាប់សែស្រឡាយចិនម្នាក់ ឈ្មោះ លោក គិត ប៉េងអៀក។ រហូតមកដល់ពេលនេះ លោកមានជំនួញជាច្រើន នៅក្នុងប្រទេសកម្ពុជា៕
