ភ្នំពេញ៖ យោងតាមប្រភពពីបុគ្គលិក នៃក្រុមហ៊ុនព្រលានយន្តហោះកម្ពុជាបានឲ្យដឹងថា ចាប់តាំងពីដើមខែកញ្ញាមក មានក្រុមហ៊ុនអាកាសចរមួយចំនួន បានចាប់ផ្តើមជើងហោះហើររបស់ខ្លួនមកកាន់ប្រទេសកម្ពុជាវិញហើយ ក្រោយពីផ្អាកអស់មួយរយៈពេល។
ក្នុងនោះ រួមមានក្រុមហ៊ុន អាកាសចរណ៍សិង្ហបុរី សៀលអ៊ែរ (SilkAir) ដែលបានបើកជើងហោះហើរភ្ជាប់ភ្នំពេញនិងសាំងហ្គាពួរនៅថ្ងៃអង្គារ និងថ្ងៃអាទិត្យ ។ ក្រៅពីនេះ ក្រុមហ៊ុនអាកាសចរណ៍ឃែមបូឌៀ អ៊ែវេ ក៏នឹងកំពុងបន្ថែមជើងហោះហើរពីភ្នំពេញ ទៅទីក្រុងហ្វូចូវ ប្រទេសចិន នៅថ្ងៃព្រហស្បតិ៍ និង ក្រុមហ៊ុន ជេស៊ី អ៊ែឡាញ កំពុងតែបើកជើងហោះហើរជាថ្មីពីភ្នំពេញទៅទីក្រុងគុនមិញ នៅថ្ងៃពុធ ៕