(ភ្នំពេញ)៖ នៅព្រឹកថ្ងៃអង្គារ ទី៦ ខែតុលា ឆ្នាំ២០២០នេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ បានយាងទៅកាន់ទីក្រុងប៉េកាំងប្រទេសចិនហើយ ដើម្បីពិនិត្យព្រះរាជសុខភាព។
នៅអាកាសយានដ្ឋានអន្តរជាតិភ្នំពេញ នៅព្រឹកមិញនេះ គេឃើញមាន ថ្នាក់ដឹកនាំកំពូលរបស់ស្ថាប័នសំខាន់ៗរបស់ជាតិបានចូលជូនព្រះរាជដំណើររបស់អង្គព្រះមហាក្សត្រ ដោយក្នុងនោះរួមមាន សម្តេច សាយ ឈុំ ប្រធានព្រឹទ្ធសភា, សម្តេចហេង សំរិន ប្រធានរដ្ឋសភា, សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា, រួមទាំងមន្រ្តីមួយចំនួនផងដែរ៕
