យោងតាមសេចក្តីជូនដំណឹងរបស់ក្រុមហ៊ុនភូមិវប្បធម៍ ចុះថ្ងៃទី១១ ខែតុលា ឆ្នាំ២០២០ បានឲ្យដឹងថា ក្រុមហ៊ុនភូមិវប្បធម៍ខេត្តសៀមរាប នឹងត្រូវបិទដំណើរអាជីវកម្មទាំងស្រុងនៅចាប់ពីថ្ងៃទី ០៧ ខែវិច្ឆិកា ឆ្នាំ២០២០ តទៅ។
សេចក្តីជូនដំណឹងបានបញ្ជាក់ថា ការបិទអាជីវកម្មនេះ គឺដោយសារតែបញ្ហាកូវីដ១៩ បានធ្វើឲ្យភ្ញៀវមកចូលទស្សនានៅភូមិវប្បធម៍ធ្លាក់ចុះយ៉ាងគំហុកជាច្រើនខែ ជាហេតុធ្វើឲ្យក្រុមហ៊ុនជួបវិបត្តិសេដ្ឋកិច្ច និងហិរញ្ញវត្ថុជាខ្លាំង។ លើសពីនេះទៅទៀតក្រុមហ៊ុន មិនអាចផ្គត់ផ្គង់លើការចំណាយនានា ជុំវិញដំណើរការអាជីវកម្មបន្តទៅមុខទៀតបានទេ។
ដោយឡែកបុគ្គលិកនៅភូមិវប្បធម៍វិញ នឹងត្រូវបានបញ្ចប់កិច្ចសន្យាការងារ ហើយក្រុមហ៊ុននឹងទូទាត់សំណងទាំងអស់ជូនបុគ្គលិកស្របតាមបទបញ្ញាត្តិច្បាប់ស្តីពីការងារ៕
