(ភ្នំពេញ)៖ ក្រសួងសុខាភិបាលកម្ពុជាបានប្រកាសនៅល្ងាចថ្ងៃទី៩ វិច្ឆិកានេះថា គេបានរកឃើញមនុស្ស៣នាក់បន្ថែមទៀតដែលបានចូលរួមកម្មវិធីដំណើរទស្សនកិច្ចរបស់រដ្ឋមន្រ្តីការបរទេសហុងគ្រីកាលពីថ្ងៃទី៣ ខែវិច្ឆិកានោះ មានវិជ្ជមានវីរុសកូវីដ១៩។
មនុស្សទាំង៣នាក់នោះ ត្រូវបានក្រសួងបញ្ជាក់ថា ទី១ ឯកឧត្តម សួស យ៉ារ៉ា អាយុ៤៧ឆ្នាំ ជាសមាជិករដ្ឋសភា, ទី២ លោក ស ចិត្រា អាយុ៤៧ឆ្នាំ ជាអគ្គលេខាធិការរងក្រសួងកសិកម្ម រុក្ខាប្រមាញ់ និងនេសាទ និងទី៣ បុរសជនជាតិហុងគ្រី អាយុ៦៨ឆ្នាំ ជាឯកអគ្គរដ្ឋទូតហុងគ្រីសម្រាប់កម្ពុជា និងវៀតណាម។
បច្ចុប្បន្នអ្នកជំងឺខាងលើ ត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត៕
