(តាកែវ)៖ ក្មេងប្រុសអាយុ១៣ឆ្នាំម្នាក់ ត្រូវបានម៉ាស៊ីនច្រូតស្រូវកិនស្លាប់ កាលពីវេលាម៉ោងប្រមាណ៨ព្រឹក ថ្ងៃទី១២ ខែវិច្ឆិកា ឆ្នាំ២០២០នេះ នៅចំណុចភូមិអង្គតាចាន់ ឃុំលាយបូរ ស្រុកត្រាំកក់ ខេត្តតាកែវ។
ក្រោយកើតហេតុ អ្នកបើម៉ាស៊ីនច្រូតស្រូវនោះ ត្រូវបានកម្លាំងសមត្ថកិច្ចឃាត់ខ្លួន រួចនាំយកទៅសាកសួរ។
យ៉ាងណាក៏ដោយ នេះគឺជាសារមួយដល់បងប្អូនប្រជាពលរដ្ឋទាំងអស់ សូមប្រុងប្រយ័ត្នចំពោះកុមារ ក៏ដូចជាក្មេងតូចៗ សូមកុំទៅក្បែរម៉ាស៊ីនច្រូតស្រូវ ដែលវាអាចកើតមាននូវរឿងអកុសលដូចករណីនេះ៕
