តាកែវ៖ ផ្ទះរបស់លោក នុត ស៊ីណាត ប្រធានមន្ទីរសុខាភិបាលខេត្តតាកែវ ដែលស្ថិតនៅផ្សារត្រាំខ្នា ត្រូវបានចោរស្រីរូបស្រស់ចូលទៅលួចទូរស័ព្ទដល់ក្នុងផ្ទះ ធ្វើឲ្យមានការភ្ញាក់ផ្អើលកាលពីវេលាថ្ងៃត្រង់ ថ្ងៃទី១៥ ខែវិច្ឆិកា ឆ្នាំ២០២០ម្សិលមិញ។
ជនសង្ស័យដែលត្រូវថតបាន ពេលចូលធ្វើសកម្មភាព
យ៉ាងណាក៏ដោយ ក្រោយកើតមាននូវសកម្មភាពនេះ លោក នុត ស៊ីណាត បានត្រឹមតែបង្ហោះរូបភាព និងវីដេអូ ចោរចូលលួចទូរស័ព្ទនៅលើបណ្តាញសង្គម ដោយសរសេរថា « សកម្មភាពចោរស្រីវ័យក្មេង ចូលលួចទូរសព្ទ័ ផ្ទះ ផ្សារត្រាំខ្នារ ១៥/១១/២០២០ ម៉ោង ១២ថ្ងៃត្រង់ »។
គួរបញ្ជាក់ដែរថា កាលពីប៉ុន្មានខែកន្លងទៅ លោក នុត ស៊ីណាត ក៏ធ្លាប់បានជួបប្រទះនូវរឿងគេលួចដូរអាគុយ ពីម៉ូតូដែលទើបទិញថ្មីនៅហាងម៉ូតូហុងដាសាខាផ្សារត្រាំខ្នាផងដែរ៕
