បាងកក៖ ឯកអគ្គរាជទូតកម្ពុជាប្រចាំប្រទេសថៃបានឲ្យដឹងថា កម្ពុជានឹងជ្រើសរើសឈុត «ព្រះថោងតោងស្បៃនាងនាគ» ដែលជាម៉ូតសម្លៀកបំពាក់ប្រពៃណីខ្មែរ ដើម្បីបង្ហាញជូនដល់ពិភពលោក ជាមួយបណ្តាអង្គទូត និងតារាបង្ហាញម៉ូតអាជីពប្រមាណជាង ១០០នាក់ ដែលគ្រោងនឹងរៀបចំឡើងក្នុងដើមខែធ្នូ ឆ្នាំ២០២០ ខាងមុខនៅទីក្រុងបាងកក។
ឈុត «ព្រះថោងតោងស្បៃនាងនាគ» ក្នុងពិធីមង្គលការរបស់ខ្មែរ
សូមបញ្ជាក់ថា នៅខែធ្នូខាងមុខ មូលនិធិជំនួយទេសចរណ៍ថៃសហការជាមួយទូតបរទេសនៅទីក្រុងបាងកក នឹងរៀបចំកម្មវិធីអបអរសាទរគម្រោងសូត្រលើកទី១០ (10th Thai Silk Road to the World 2020 ) ដើម្បីបង្ហាញពិព័រណ៍និងរចនាសូត្របែបថៃនិងបែបបុរាណ។
