ភ្នំពេញ: នៅក្នុងជំនួបមួយ ជាមួយរដ្ឋមន្រ្តីក្រសួងសុខាភិបាលកម្ពុជា កាលពីរសៀល ថ្ងៃទី២០ វិច្ឆិកា ឯកអគ្គរដ្ឋទូតប្រទេសអូស្រ្តាលី លោក Pablo Kang បានថ្លែងថា ប្រទេសរបស់ខ្លួន នឹងផ្ដល់ជំនួយវ៉ាក់សាំង COVID-19 ដល់កម្ពុជា ពេលដែលអង្គការសុខភាពពិភពលោក (WHO) ប្រកាសដាក់ឱ្យប្រើប្រាស់ជាផ្លូវការ នាពេលខាងមុខ។
បើតាមលោកទូត ជំនួយជាវ៉ាក់សាំងសម្រាប់កម្ពុជានេះ គឺជាផ្នែកមួយ នៃគម្រោងផ្ដល់វ៉ាក់សាំងដល់ប្រទេសជាច្រើនទៀត នៅក្នុងតំបន់អាស៊ី ប៉ាស៊ីហ្វីក ដែលមានទឹកប្រាក់៥០០លានដុល្លារអូស្រ្តាលី៕