តាកែវ – តូបមួយខ្នងនៅក្នុងផ្សារកំពង់ជ្រៃ ស្ថិតនៅភូមិកំពង់ជ្រៃ ឃុំស្មោង ស្រុកទ្រាំង ត្រូវបានអគ្គីភ័យឆេះឥវ៉ាន់ខ្ទេចគ្មានសល់ កាលពីវេលាម៉ោងប្រមាណជិត១០យប់ ថ្ងៃទី២១ ខែវិច្ឆិកា តែបានប្រជាពលរដ្ឋនៅក្បែរនោះមកជួយពន្លត់ កុំអីភ្លើងរាលឆេះផ្សារបាត់ទៅហើយ។
តូបមួយនៅផ្សារកំពង់ជ្រៃ ត្រូវអគ្គិភ័យឆាបឆេះ (រូប៖ សហការី)
បើតាមប្រជាពលរដ្ឋ ដែលរស់នៅក្បែនោះ បានឲ្យដឹងថា នៅមុនពេលកើតហេតុគាត់បានលឺសំលេងផ្ទុះចេញពីតូបលក់ឥវ៉ាន់ចាប់ហ៊ួយ ដែលមានប្តីឈ្មោះ ម៉ម សុខុន និងប្រពន្ធឈ្មោះប៉ែន ចក់ ពេលនោះគាត់បានឃើញអណ្តាតភ្លើងកំពុងតែឆាបឆេះក្នុងតូប ក៏ធ្វើឲ្យមានការភ្ញាក់ផ្អើល ដល់ប្រជាពលរដ្ឋ នាំគ្នាចេញមកជួយបាញ់ទឹកពន្លត់ទាន់ពេលពេលដោយមិនបណ្តាលឲ្យរាលដាលឡើយ។
ក្រោយកើតហេតុ គេក៏ឃើញមានវត្តមានលោក ឈួន ផាន់នី អភិបាលស្រុកទ្រាំង រួមនឹងលោកអ៊ុំ ចំរើន អភិបាលរងស្រុក ចុះទៅដល់កន្លែងកើតហេតុ ដើម្បីពិនិត្យមើលសភាពការណ៍ផងដែរ។
សម្ភារៈដែលត្រូវអគ្គិភ័យឆាបឆេះ (រូប៖ សហការី)
ចំពោះករណីឆេះនេះ ត្រូវគេសន្និដ្ឋានជាដំបូងថា អាចបណ្តាលមកពីទុស្សេខ្សែភ្លើង ហើយសម្ភារះដែលខូចខាតរួមមានទូទឹកកកក្លាសេធំចំនួន០១ ធុងទឹកកកធំៗចំនួន០២ ប៊ីយ៉ែរ ទឹកក្រូចជាច្រើនកេះ រួមនឹងសម្ភារះផ្សេងៗជាច្រើនទៀត គិតជាទឹកប្រាក់អស់ប្រមាណជិតមួយម៉ឺនដុល្លារ៕
