ភ្នំពេញ – ស្រ្តីចិត្តឆៅដែលបានយកកាំបិតទៅអារផ្ទៃមុខ និងដៃក្មេងស្រីម្នាក់កាលពីខែកក្កដាកន្លងទៅ ព្រោះតែខឹងក្មេងស្រីនោះមានជម្លោះជាមួយកូនខ្លួន ត្រូវបានសាលាដំបូងរាជធានីភ្នំពេញប្រកាសសាលក្រមនៅថ្ងៃទី២៥ វិច្ឆិកានេះ ដោយដាក់ពន្ធនាគាររយៈពេល១២ឆ្នាំ និងពិន័យជាប្រាក់ចំនួន ២០០លានរៀល។
ស្ត្រីជនដៃដល់ ឈ្មោះ លីវ ប៊ុនធឿន អាយុ៤៣ឆ្នាំ បាននិយាយថា កាលពីរសៀលថ្ងៃទី១៦ ខែកក្កដា ឆ្នាំ២០២០ដែលជាថ្ងៃកើតហេតុ ខ្លួនបានទៅទិញកូនកាំបិតនៅក្នុងផ្សារ រួចក៏ចាប់ក្មេងស្រីរងគ្រោះ អារ.មុខ ច្រមុះ និង ដៃ គឺ ជាការតបស្នង ដែលនាងបានយកដុំថ្មគប់លើកូនប្រុសរបស់ខ្លួន ។
ស្ត្រីរូបនេះថា ខ្លួនខឹងខ្លាំងណាស់ដេកមិនលក់២យប់មកហើយ ដោយសារតែក្មេងស្រីរងគ្រោះ ធ្វើឲ្យកូនខ្លួនចេញឈាម ហើយត្រូវដឹងថា កូនខ្លួនធំឡើង នឹងក្លាយជាតារា ផងដែរ ។ ដូច្នេះ ខ្លួនសុំត្រឹមតែឲ្យក្មេងស្រីរងគ្រោះរូបនេះ ចេញឈាមវិញដូចជាកូនខ្លួន ដែរ៕