ភ្នំពេញ – ជនជាតិចិនចំនួន៣នាក់ ត្រូវបានកម្លាំងកងរាជអាវុធហត្ថខណ្ឌចំការមន ធ្វើការឃាត់ខ្លួនកាលពីពេលថ្មីៗនេះ នៅចំណុចផ្សារផ្លាហ្សាបឹងត្របែក ផ្លូវ៤៦៦ សង្កាត់បឹងត្របែក ខណ្ឌចំការមន រាជធានីភ្នំពេញ ដោយដកហូតវត្ថុតាង អាវុធវែង១ដើមម៉ាកM16 មានបង់ចំនួន២ គ្រាប់ចំនួន៥៤គ្រាប់។
ក្រោយការឃាត់ខ្លួន ជនជាតិចិនទាំង៣នាក់ ត្រូវបានចោទប្រកាន់ពីបទកាន់កាប់អាវុធខុសច្បាប់ ហើយត្រូវកសាងសុំណុំរឿងបញ្ជូនទៅតុលាការ នារសៀល ថ្ងៃទី១៦ ខែធ្នូ ឆ្នាំ២០២០៕