(ព្រះសីហនុ) – យោងតាមទិន្នន័យរបស់ក្រសួងទេសចរណ៍បានឲ្យដឹងថា ក្នុងឱកាសឆ្លងឆ្នាំសកល ២០២០ ឆ្លងចូល ២០២១ ប្រជាពលរដ្ឋកម្ពុជា និងភ្ញៀវទេសចរផ្ទៃក្នុង បានចេញទៅទស្សនាកម្សាន្តនៅតំបន់ឆ្នេរសមុទ្រយ៉ាងកុះករ។
តួយ៉ាងនៅឯខេត្តព្រះសីហនុឯណោះវិញ គេឃើញមានវត្តមានភ្ញៀវទេសចរជាតិ-អន្តរជាតិជាច្រើន បានទៅទស្សនារមណីយដ្ឋាននានាទូទាំងខេត្ត ពិសេសគឺតំបន់ឆ្នេរសមុទ្រតែម្ដង។
បើតាមទិន្នន័យរបស់មន្ទីរទេសចរណ៍ខេត្តព្រះសីហនុបានបញ្ជាក់ថា ក្នុងពិធីបុណ្យឆ្លងឆ្នាំសកលមានភ្ញៀវទេសចរសរុបចំនួន៣៦,៨៤៨នាក់បានមកលេង ដែលចំនួននេះមានការ កើនឡើង ២៣,៧៣% ធៀបនឹងឆ្នាំ ២០១៩៕