តាកែវ – ដោយសារតែទ្រាំលែងបាន ក្រុមគ្រូពេទ្យមួយក្រុមដែលស្នើសុំក្នុងលក្ខខណ្ឌមិនបញ្ចេញឈ្មោះបាននិយាយថា នៅក្នុងមន្ទីរពេទ្យបង្អែកស្រុកព្រៃកប្បាសបច្ចុប្បន្ននេះ គឺមានក្រុមគ្រូពេទ្យទំនើងបានបង្កើតបក្ខពួក រើសអើង ហើយថែមទាំងគ្មានក្រមសីលធម៌ជាគ្រូពេទ្យទៀតផង។
ក្រុមគ្រូពេទ្យដែលគ្មានក្រមសីលធម៌ទាំងនោះ បានសម្តែងការរើសអើងចំពោះអ្នកជំងឺដែលទៅទទួលការព្យាបាល ហើយសូម្បីតែពេទ្យៗគ្នាឯងដែលធ្វើការនៅទីនោះ ក៏គេរើសអើងដែរ ដោយប្រើពាក្យប្រមាថមើលងាយ ព្រមទាំងប្រើពាក្យគំរាមដកចោលទៀតផង ព្រោះតែគេអាងថា ពួកគេមានខ្សែធំនៅពីក្រោយខ្នង ដែលជាឪពុកមានលុយ និងមានអំណាច។
ចំពោះទង្វើរបស់ក្រុមគ្រូពេទ្យខ្វះក្រមសីលធម៌នេះ ក្រុមគ្រូពេទ្យផ្សេងទៀតមិនហ៊ានរាយការណ៍ជូនលោក ហ៊ីង សាមិត្រ ប្រធានការិយាល័យប្រតិបត្តិស្រុកព្រៃកប្បាសនោះទេ ព្រោះក្រុមគ្រូពេទ្យទំនើងទាំងនោះ គេមានខ្សែ មានខ្នង ខ្លាចក្រែងត្រូវគេដកចោលដូចកូនស្ពៃ។
ចំពោះករណីនេះ លោក ហ៊ីង សាមិត្រ ប្រធានការិយាល័យប្រតិបត្តិស្រុកព្រៃកប្បាស មិនបានធ្វើអត្ថាធិប្បាយទេ៕