ភ្នំពេញ – ក្រសួងវប្បធម៌ និងវិចិត្រសិល្បៈ កាលពីពេលថ្មីៗនេះ បានប្រាប់ទៅដល់មន្ទីរវប្បធម៌ និងវិចិត្រសិល្បៈខេត្តព្រះសីហនុ ឲ្យចុះធ្វើការពិនិត្យរមណីយដ្ឋានប្រាសាទបន្ទាយទ័ព ដែលស្ថិតនៅចំណុចតាដួង តាអាំ ក្នុងភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ហើយប្រាប់ឲ្យម្ចាស់រមណីយដ្ឋាននោះផ្លាស់ប្តូរឈ្មោះ។
ការផ្លាស់ប្តូរឈ្មោះ ក៏ព្រោះតែរមណីយដ្ឋាននេះ បានប្រើប្រាស់ឈ្មោះដូចប្រាសាទបន្ទាយទ័ព ដែលស្ថិតនៅខេត្តបន្ទាយមានជ័យ ជាបុរាណដ្ឋានប្រវត្តិសាស្រ្តជាតិ៕
