យ៉ាំងហ្គន – យោធាមីយ៉ាន់ម៉ាដែលបានដណ្តើមអំណាចនៅថ្ងៃច័ន្ទ (ទី ១ ខែកុម្ភៈ)នេះ បាននិយាយថា ខ្លួនបានឃុំខ្លួនលោកស្រី អ៊ុងសាន ស៊ូជី និងមនុស្សមួយចំនួនទៀត ដើម្បីឆ្លើយតបទៅនឹង“ ការលួចបន្លំសន្លឹកឆ្នោត” ដោយប្រគល់អំណាចទៅ ឲ្យមេបញ្ជាការយោធាលោក មីនអ៉ីងង៉ោ ហើយដាក់ប្រទេសនេះស្ថិតក្នុងស្ថានភាពអាសន្នរយៈពេលមួយឆ្នាំ។
ប្រជាជនដើរនៅក្បែរវត្ត Shwedagon ក្នុងទីក្រុងយ៉ាំងហ្គោននៅថ្ងៃទី១ ខែកុម្ភះឆ្នាំ ២០២១។ (រូបថត៖ AFP / STR)
នៅថ្ងៃនេះ ខ្សែទូរស័ព្ទទៅកាន់រដ្ឋធានីណៃពិដោ ត្រូវបានកាត់ផ្តាច់ ហើយទូរទស្សន៍រដ្ឋបានផ្អាកការផ្សាយ មុនពេលដែលសភាគ្រោងបើកជាលើកដំបូងចាប់តាំងពីការបោះឆ្នោត ដែលគណបក្សប្រជាធិបតេយ្យរបស់លោកស្រី អ៊ុងសាន ស៊ូជី បានឈ្នះយ៉ាងភ្លូកទឹកភ្លូកដីកាលពីខែវិច្ឆិកា។
តាមសេចក្តីរាយការណ៍ ក្រុមយោធាបានកាន់កាប់មុខតំណែងនៅឯសាលាក្រុងក្នុងទីក្រុងយ៉ាំងហ្គោន ហើយប្រព័ន្ធអ៊ិនធឺណេត និងទូរស័ព្ទត្រូវបានរំខាន។
ប្រជាជនដើរនៅក្បែរសាលាក្រុងយ៉ាំងហ្គោននៅទីក្រុងយ៉ាំងហ្គោននៅថ្ងៃទី ១ ខែកុម្ភះឆ្នាំ ២០២១។ (រូបថត៖ AFP / STR)
ការចាប់ខ្លួនលោកស្រី អ៊ុងសាន ស៊ូជី និងមេដឹកនាំដទៃទៀតបានកើតឡើងបន្ទាប់ពីមានភាពតានតឹងកាន់តែខ្លាំងឡើងរវាងរដ្ឋាភិបាលស៊ីវិល និងយោធា៕
Source: Reuters/CNA
