ភ្នំពេញ – សមត្ថកិច្ចបានឲ្យដឹងថា កាលពីវេលាម៉ោងប្រមាណជាង១២រំលងអធ្រាត្រឈានចូលថ្ងៃទី៤ ខែកុម្ភៈ ឆ្នាំ២០២១នេះ សមត្ថកិច្ចខណ្ឌពោធិ៍សែនជ័យបានធ្វើការឃាត់ខ្លួនមនុស្សចំនួន២៨នាក់ ក្រោយពីឆែករកឃើញដាវ និងកាំបិតសរុបចំនួន៧ដើម។
សមត្ថកិច្ចថា មនុស្សដែលមានវ័យក្មេងៗទាំងនោះ បានមកប្រមូលផ្តុំគ្នានៅខាងមុខការ៉ាស់សាំងមួយតាមបណ្តោយផ្លូវវេងស្រេង ចំណុចភូមិជ្រៃកោង២ សង្កាត់ចោមចៅទី២ ខណ្ឌពោធិ៍សែនជ័យ ពេលនោះសមត្ថកិច្ចដែលកំពុងល្បាតមានការសង្ស័យ ក៏បានចូលទៅសួរនាំ ព្រមទាំងធ្វើការឆែកឆេរ ក៏រកឃើញដាវ និងកាំបិតទាំងនោះ រួចក៏ធ្វើការឃាត់ខ្លួនតែម្តង។
បច្ចុប្បន្នពួកគេត្រូវសមត្ថកិច្ចនាំយកទៅសួរនាំនៅអធិការដ្ឋាន ខណ្ឌពោធិ៍សែនជ័យ រាជធានីភ្នំពេញ៕
