មេដឹកនាំយោធាថ្មីរបស់ភូមា លោកឧត្តមសេនីយ៍ Min Aung Hlaing បានថ្លែងតាមកញ្ចក់ទូរទស្សន៍កាលពីថ្ងៃចន្ទ (៨ កុម្ភៈ) ដែលជាការចេញមុខលើកដំបូង ដោយធ្វើការអំពាវនាវឱ្យពលរដ្ឋស្ងប់ស្ងាត់ ដោយថា ការបោះឆ្នោតកាលពីខែវិច្ឆិកាដែលគណបក្សរបស់លោកស្រី អ៊ុង សានស៊ូជី ឈ្នះភ្លូកទឹកភ្លូកដីមិនយុត្តិធម៌ទេ។
មេដឹកនាំយោធាភូមាថ្លែងតាមកញ្ចក់ទូរទស្សន៍
លោកនិយាយថា គណៈកម្មការរៀបចំការបោះឆ្នោតមិនបានស៊ើបអង្កេតអំពីភាពមិនប្រក្រតីទាក់ទងនឹងបញ្ជីឈ្មោះអ្នកបោះឆ្នោតនៅក្នុងការបោះឆ្នោតខែវិច្ឆិកា ហើយមិនបានអនុញ្ញាតឲ្យមានយុទ្ធនាការឃោសនាបោះឆ្នោតដោយយុត្តិធម៌ឡើយ។
យ៉ាងណាក៏ដោយលោកឧត្ដមសេនីយ៍ Min Aung Hlaing បានសន្យាថា នឹងមានបោះឆ្នោតថ្មីហើយនឹងប្រគល់អំណាចដល់អ្នកឈ្នះ៕
