ស្ថានទូតកម្ពុជាប្រចាំប្រទេសវៀតណាមបានឲ្យដឹងនៅក្នុងសេចក្តីជូនដំណឹងរបស់ខ្លួនចុះថ្ងៃទី៨ ខែកុម្ភៈ ឆ្នាំ២០២១ថា អាជ្ញាធរក្រុងហាណូយបានចេញវិធានការណ៍ពិន័យតឹងរឹងចំពោះអ្នករំលោភនីតិវិធី កូវីដ-១៩ ដោយក្នុងនោះអ្នកបំពានអាចប្រឈមនឹងការជាប់ទោសពន្ធនាគារ ១២ឆ្នាំ។
ក្នុងនោះដែរ អ្នកមិនធ្វើសេចក្ដីប្រកាសសុខភាព ឬធ្វើប្រកាសសុខភាពក្លែងក្លាយ ឬមិនប្រកាសពីស្ថានភាពសុភាពរបស់ខ្លួនដោយពេញលេញនឹងត្រូវពិន័យរហូតដល់១០០ លានដុង (៤៣៥០ដុល្លារ), អ្នកមិនពាក់ម៉ាស់នៅទីសាធារណៈ លើមធ្យមដឹកជញ្ជូនសាធារណៈ ឬមិនរក្សាគម្លាតដើម្បីការពារការឆ្លង នឹងពិន័យ ៣សានដុង(១៣០$), អ្នកបោះចោលម៉ាស់មិនត្រឹមត្រូវនឹងពិន័យពី៥ ទៅ៧ លានដុង(២១៧$- ៣០៥$)។
អ្នកឆ្លងកូវីដ១៩ ឬដឹងថាមានអ្នកឆ្លងតែលាក់មិនរាយការណ៍នឹងត្រូវពិន័យ ២០លានដុង, អ្នុកខកខានមិនអនុវត្តបទបញ្ជាស្ដីពីការស៊ើបអង្គេត, ការត្រួតពិនិត្យ និងការព្យាបាលតាមវេជ្ជសាស្រ្តនៅមុនចូល និងចេញពីទីតាំងផ្ទះកូវីដ១៩ នឹងត្រូវពិន័យ៣០លានដុង, អ្នករត់ចេញពីកន្លែងចត្តាឡីស័ក និងខកខានមិនអនុវត្តតាមវិធានការចត្តាឡីស័កនឹងត្រូវពិន័យរហូតដល់២០លានដុង ឬនឹងមានវិធានការណ៍តាមមាត្រ២៤០ នៃក្រមព្រហ្មទណ្ឌ ប្រសិនបានចម្លងមេរោគទៅជនដទៃ៕
