Connect with us

អន្តរជាតិ

ស្នាក់ការមួយកន្លែងរបស់ NLD ត្រូវបានបំផ្លាញកាលពីយប់មិញ

Published

on

រ៉ងហ្គោន : ក្រុមយោធាភូមាបានវាយឆ្មក់ និងកម្ទេចទីស្នាក់ការកណ្តាលគណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ NLD នៅម៉ោងប្រហែល ៩.៣០ នាទីយប់” នេះបើយោងតាមការប្រកាសរបស់សម្ព័ន្ធភាពជាតិដើម្បីលទ្ធិប្រជាធិបតេយ្យ ដែលត្រូវបានដកស្រង់ផ្សាយដោយ CNA នាព្រឹកថ្ងៃ១០កុម្ភះ នេះ ។

ការបង្រ្កាបរបស់ក្រុមយោធា

សេចក្តីថ្លែងការណ៍ខ្លីរបស់គណបក្សមិនបានផ្តល់ព័ត៌មានលម្អិតបន្ថែមទេ។

ការវាយឆ្មក់នេះបានកើតឡើងបន្ទាប់ពីបាតុកម្មបានផ្ទុះឡើងយ៉ាងរាលដាល ដោយប៉ូលីសបានប្រើកាណុងបាញ់ទឹកនៅតាមទីក្រុងជាច្រើនដោយបាញ់គ្រាប់កាំភ្លើងជ័រទៅលើក្រុមអ្នកតវ៉ានៅរដ្ឋធានីណៃពីដោ និងបាញ់ឧស្ម័នបង្ហូរទឹកភ្នែក។

ការប្រមូលផ្តុំគ្នាបានកើតឡើងទោះបីជាមានការព្រមានពីរដ្ឋាភិបាលយោធាថា នឹងចាត់វិធានការប្រឆាំងនឹងបាតុកម្មដែលគំរាមកំហែងដល់ “ស្ថេរភាព” និងការហាមឃាត់ថ្មីលើការប្រមូលផ្តុំមនុស្សចាប់ពីប្រាំនាក់ក្ដី ។

សហរដ្ឋអាមេរិកបានអំពាវនាវជាថ្មីម្តងទៀតឱ្យមានសេរីភាពក្នុងការបញ្ចេញមតិនៅក្នុងប្រទេសមួយនេះ និងសម្រាប់ឧត្តមសេនីយ៍ត្រូវចុះចេញពីតំណែង។

អ្នកនាំពាក្យក្រសួងការបរទេសសហរដ្ឋអាមេរិកលោក Ned Price បានប្រាប់អ្នកសារព័ត៌មានថា“ យើងថ្កោលទោសយ៉ាងខ្លាំងចំពោះអំពើហឹង្សាប្រឆាំងនឹងក្រុមបាតុករ” ដោយបន្ថែមថា ប្រជាជននៅក្នុងប្រទេសភូមាមានសិទ្ធិប្រមូលផ្តុំដោយសន្តិវិធី។

លោកបានមានប្រសាសន៍ថា“ យើងសូមអំពាវនាវម្តងទៀតដល់កងយោធាឱ្យលះបង់អំណាច ស្តាររដ្ឋាភិបាលដែលបានជាប់ឆ្នោតតាមបែបប្រជាធិបតេយ្យ ឡើងវិញ ដោះលែងអ្នកដែលត្រូវបានឃុំខ្លួន និងដកការរឹតត្បិតលើប្រព័ន្ធទូរគមនាគមន៍ទាំងអស់ ហើយចៀសវាងអំពើហិង្សា” ៕

Advertisement
ក្នុងស្រុក4 ម៉ោង ago

គ្រឿងចក្រ​កាយថ្ម​រអិល​ធ្លាក់ពីលើភ្នំ ស្លាប់​អ្នក​បើកម្នាក់​នៅ​កំពង់ស្ពឺ

ក្នុងស្រុក3 ម៉ោង ago

ល្ងាចមិញ ផ្ទះ២៧ខ្នង​នៅក្រុងសំរោង ខេត្ត​ឧត្តរមានជ័យ ត្រូវ​ខ្យល់កន្រ្តាក់​បំផ្លាញ

ក្នុងស្រុក6 ម៉ោង ago

រកឃើញ​អ្នក​ឆ្លងវីរុស​កូវីដ​១៩​ក្នុង​សហគមន៍២៤នាក់ និង​ជា​សះស្បើយ ៧នាក់

ក្នុងស្រុក4 ម៉ោង ago

សណ្ឋាគារ Great Duke ត្រូវ​ប្រើប្រាស់​ជាមន្ទីរពេទ្យ​ពិនិត្យ និងព្យាបាល​អ្នកជំងឺកូវីដ​១៩កម្រិតស្រាល ក្រសួងប្រាប់ពលរដ្ឋ​រស់​នៅ​ជុំវិញសណ្ឋាគារ​កុំ​មាន​ការភ័យខ្លាច

ក្នុងស្រុក3 ម៉ោង ago

មិនដឹងរឿងអី បុរស​ម្នាក់ចាក់​សាំង​ដុត​ខ្លួនឯង ផ្អើល​ទាំង​ព្រឹក​!