តាមសេចក្តីជូនដំណឹងរបស់ក្រសួងសុខាភិបាលនៅព្រឹកថ្ងៃទី១៦ ខែកុម្ភៈ ឆ្នាំ២០២១នេះ បានបញ្ជាក់ថា ថ្ងៃនេះកម្ពុជាពុំមានករណីឆ្លងវីរុសកូវីដ១៩ថ្មីទេ ហើយក៏គ្មានករណីជាសះស្បើយដែរ។
គិតទាំងនេះ មានរយៈពេល៤ថ្ងៃហើយ ដែលកម្ពុជាពុំរកឃើញករណីឆ្លងថ្មី។
ដូច្នេះ គិតត្រឹមម៉ោង៧ព្រឹកថ្ងៃទី១៦ ខែកុម្ភៈ ឆ្នាំ២០២១នេះ កម្ពុជាមានអ្នកឆ្លងកូវីដ១៩ សរុបចំនួន ៤៧៩នាក់ ក្នុងនោះអ្នកព្យាបាលជាសះស្បើយចំនួន ៤៦៩នាក់ និងអ្នកជំងឺចំនួន ១០នាក់កំពុងសម្រាកនៅមន្ទីរពេទ្យ៕
