ព្រះសីហនុ៖ កម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលស្រុកព្រៃនប់ នៅព្រឹក ថ្ងៃទី១៧ ខែកុម្ភៈ ឆ្នាំ២០២១ សហការជាមួយកម្លាំងនគរបាលស្រុកកំពង់សិលា បានឃាត់ខ្លួនជនសង្ស័យចំនួន ៤នាក់ ក្រោយពីក្រុមនេះធ្វើសកម្មភាពឆក់នៅឃុំជើងគោ និងឃុំតានៃ ស្រុកព្រៃនប់ ខេត្តព្រះសីហនុ។
សមត្ថកិច្ចបានឲ្យដឹងថា ជនសង្ស័យទាំង ០៤នាក់រួមមាន៖
១-ឈ្មោះ រឿន ភារះ ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅភូមិព្រៃតានប់ ឃុំមហាឫស្សី ស្រុកគងពិសី ខេត្តកំពង់ស្ពឺ។
២-ឈ្មោះ ឈុំ ដារ៉ាត់ ភេទប្រុស អាយុ២១ឆ្នាំ មុខរបរនិស្សិត មានទីលំនៅភូមិពោធិ ឃុំពោរម្រាល ស្រុកបរសេដ្ឋ ខេត្តកំពង់ស្ពឺ។
៣-ឈ្មោះ សុង ដានីត ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិព្រៃងោង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ។
៤-ឈ្មោះ វន សំរ៉ុង ភេទ ប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិព្រៃងោង ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ។
សមត្ថកិច្ចបញ្ជាក់ថា ក្រុមនេះបានជិះម៉ូតូ ចំនួន ០២គ្រឿង ធ្វើសកម្មភាពឆក់កាបូបជនរងគ្រោះ កំពុងជិះម៉ូតូលើដងផ្លូវជាតិលេខ៤ ចំនួន ០២កន្លែង ផ្សេងៗគ្នារួមមាន៖ ឈ្មោះ ហាច ចាន់ ភេទស្រី អាយុ៣១ឆ្នាំ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ត្រូវបានក្រុមជនល្មើសធ្វើសកម្មភាពភាពឆក់នៅចំណុចភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ។និងឈ្មោះ ហង្ស សារិន ភេទស្រី អាយុ២៤ឆ្នាំ មានទីលំនៅភូមិស្វាយ ឃុំតានៃ ស្រុកព្រៃនប់ ខេត្តព្រះសីហនុ ត្រូវបានក្រុមជនល្មើសធ្វើសកម្មភាពភាពឆក់នៅចំណុចភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។
បច្ចុប្បន្ន ជនសង្ស័យ ត្រូវបានសមត្ថកិច្ចកំពុង កសាងសំណុំរឿងតាមនិតិវិធី៕
ដោយ នាគសមុទ្រ
