អាជ្ញាធរខេត្តបន្ទាយមានជ័យបានឲ្យដឹងថា នៅថ្ងៃនេះ (១៨ កុម្ភៈ) មានពលករទើបត្រឡប់មកពីប្រទេសថៃម្នាក់ បានរត់ចេញពីកន្លែងធ្វើចត្តាឡីស័ក ស្ថិតក្នុងវិទ្យាល័យសម្តេចឪ ក្រុងសិរីសោភណ្ឌ នៅព្រឹកព្រលឹមថ្ងៃទី១៨ ខែកុម្ភៈ ឆ្នាំ២០២១។
ពលកររូបនោះត្រូវបានបញ្ជាក់ថា មានឈ្មោះ គង់ សេត ភេទប្រុស អាយុ៣០ឆ្នាំ ទីលំនៅនៅភូមិសែនជ័យ ឃុំសាអែម ស្រុកជាំក្សាន្ត ខេត្តព្រះវិហារ ជាកម្មករ មកពីខេត្តស្រះកែវ ព្រះរាជាណាចក្រថៃ។
យ៉ាងណាក៏ដោយ អាជ្ញាធរខេត្តបន្ទាយមានជ័យស្នើដល់បងប្អូនប្រជាពលរដ្ឋ ឬពលរដ្ឋនៅភូមិ ឃុំខាងលើឬញាតិមិត្តណាបានឃើញ ឬមានការប្រុងប្រយ័ត្ន បើបានឃើញជននេះសូមរាយការណ៍ជូនអាជ្ញាធរមានសមត្ថកិច្ច៕
