ភ្នំពេញ – រដ្ឋបាលខណ្ឌឫស្សីកែវ នៅរសៀលថ្ងៃទី២៥ ខែកុម្ភៈ ឆ្នាំ២០២១នេះ បានបញ្ជាក់ថា នៅក្នុងសង្កាត់ទួលសង្កែទី២ ខណ្ឌឫស្សីកែវ គេបានទៅនាំយកអ្នកជំងឺកូវីដ១៩ចំនួន២នាក់ ដើម្បីទៅធ្វើការព្យាបាល។
មនុស្ស២នាក់នោះ ម្នាក់ជាបុរសជនជាតិខ្មែរ អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២ និងម្នាក់ទៀតជាបុរសជនជាតិចិន អាយុ៣៦ឆ្នាំ រស់នៅអគារ secret garden camko ប្លុកកាំកូស៊ីធី ស្ថិតក្នុងភូមិគង្គាផុស សង្កាត់ទួលសង្កែទី២ ។
បច្ចុប្បន្ននេះ មនុស្សទាំង០២នាក់នេះ បានបញ្ជូនទៅព្យាបាលនៅ មណ្ឌលចត្តាឡីស័កព្រែកព្នៅ ។ ចំណែកឯ កន្លែងស្នាក់នៅទាំង០២ទីតាំងខាងលើ ត្រូវបានបិទ មិនអោយមានការចេញចូលជាសាធារណៈឡើយ៕