ភ្នំពេញ – នៅព្រឹកថ្ងៃទី១ ខែមីនា ឆ្នាំ២០២១នេះ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ បានយាងចាកចេញពីប្រទេសកម្ពុជា ទៅទីក្រុងប៉េកាំងប្រទេសចិន ដើម្បីពិនិត្យព្រះរាជសុខភាព។
ថ្វាយព្រះរាជដំណើរព្រះករុណានៅព្រឹកមិញនេះ គេឃើញមានវត្តមាន សម្តេច សាយ ឈុំ ប្រធានព្រឹទ្ធិសភា, សម្តេច ហេង សំរិន ប្រធានរដ្ឋសភា, សម្តេចជោ ហ៊ុន សែន នាយករដ្ឋមន្ត្រី ព្រមទាំងមន្រ្តីជាន់ខ្ពស់រាជរដ្ឋាភិបាលមួយចំនួនទៀត៕
