អង្គការយូនីសេហ្វ បានឲ្យដឹងនៅលើទំព័រហ្វេសប៊ុករបស់ខ្លួនថា វ៉ាក់សាំង COVAX ជាលើកដំបូងនឹងមកដល់ប្រទេសកម្ពុជានៅថ្ងៃទី២ ខែមីនា នេះ វេលាម៉ោង ៧ និង៥០នាទីល្ងាច។
បើតាមការប្រកាសរបស់ក្រសួងសុខាភិបាលកម្ពុជា វ៉ាក់សាំងដែលនឹងដឹកមកដល់កម្ពុជានៅល្ងាចថ្ងៃនេះ គឺជាប្រភេទ អាស្រ្តាហ្សឺណិកា មានចំនួន ៣២៤.០០០ ដូស ផលិតដោយវិទ្យាស្ថានសេរ៉ូម នៃប្រទេសឥណ្ឌា។
នៅល្ងាចនេះ លោក ម៉ម ប៊ុនហេង រដ្ឋមន្រ្តីក្រសួងសុខាភិបាល តំណាងឲ្យរាជរដ្ឋាភិបាលកម្ពុជា នឹងអញ្ជើញចូលរួមពិធីប្រគល់-ទទួល នៅព្រលានយន្តហោះអន្តរជាតិភ្នំពេញ៕
