សមត្ថកិច្ចចម្រុះនៅព្រឹកថ្ងៃទី៣ ខែមីនា ឆ្នាំ២០២១នេះ បានចុះបង្រ្កាបទីតាំងកែភេទមួយកន្លែងស្ថិតនៅក្បែរស្ថានទូតចិន ក្នុងសង្កាត់ទំនប់ទឹក ខណ្ឌបឹងកេងកង ដោយរកឃើញនូវផលិតផលក្លែងក្លាយ និងគ្មានច្បាប់អនុញ្ញាតមួយចំនួន។
បើតាមសមត្ថកិច្ចថា ទីតាំងលួចលាក់កែភេទនេះ គឺជ្រកក្រោមអាជីវកម្មកែសម្ផស្ស ដោយប្រើប្រាស់ផលិតផលក្លែងក្លាយ និងឱសថផ្សេងៗ គ្មានការអនុញ្ញាតពីក្រសួងសុខាភិបាល។
យ៉ាងណាក៏ដោយ ផលិតផលក្លែងក្លាយ និងឱសថដែលគ្មានការអនុញ្ញាតនោះ ត្រូវបានសមត្ថកិច្ចដកហូតយកទៅលេខាធិការដ្ឋាននៃគណៈកម្មការប្រយុទ្ឋប្រឆាំងផលិតផលក្លែងក្លាយ ដើម្បីចាត់ការបន្តតាមនីតិវិធី៕
