រដ្ឋបាលខេត្តព្រះសីហនុនៅថ្ងៃនេះ បានធ្វើការជូនដំណឹងបន្ទាន់មួយ ដោយធ្វើការផ្អាកការធ្វើដំណើរចេញចូលខេត្តព្រះសីហនុជាបណ្តោះអាសន្ន លើកលែងតែរថយន្តដឹកទំនិញ និងរថយន្តសង្រ្គោះបន្ទាន់។
អាជ្ញាធរបញ្ជាក់ថា ការផ្អាកមិនឲ្យមានការចេញចូលខេត្តព្រះសីហនុនេះ គឺដើម្បីទុកលទ្ធភាពឱ្យរដ្ឋបាលខេត្តគ្រប់គ្រង់បាននូវអ្នកឆ្លងជំងឺកូវីដ-១៩ អ្នកមានការពាក់ព័ន្ធជាមួយនឹងអ្នកជំងឺ និងទីតាំងដែលមានការពាក់ព័ន្ធ ដើម្បីកំណត់ជាមណ្ឌលចត្តាឡីស័កឱ្យបានចប់សព្វគ្រប់សិន។
សូមបញ្ជាក់ដែរថា ក្នុងរយៈពេលប៉ុន្មានថ្ងៃកន្លងមកនេះ ខេត្តព្រះសីហនុបានរកឃើញករណីឆ្លងវីរុសកូវីដ១៩ជាបន្តបន្ទាប់ ដែលពាក់ព័ន្ធព្រឹត្តិការណ៍សហគមន៍ ២០កុម្ភៈ ក្នុងនោះក៏មានមនុស្សដែលកំពុងរស់នៅ ធ្វើការ ប្រកបអាជីវកម្មនៅខេត្តព្រះសីហនុផងដែរ៕