ភ្នំពេញ – កក្កដា សុភ័ណ្ឌ ដែលមានប្រជាប្រិយតាមបណ្ដាញសង្គមហ្វេសប៊ុក បានប្រកាសថា ខ្លួនមានលទ្ធផលតេស្តគឺវិជ្ជមានខូវិដ១៩។
កាលពីថ្ងៃទី ១២ខែមីនា លោកបានទៅធ្វេីជាអ្នកកំដរនៅមង្គលការមួយនៅស្រុកសំរោង ខេត្តតាកែវ។
តាមរយៈបណ្តាញសង្គមហ្វេសបុកថា កក្កដា សុភ័ណ្ឌ បានសរសេរថា “Update to my health ! ខ្ញុំកក្កដា សោភ័ណ្ឌ បានទទួលលទ្ធផលពីគ្រូពេទ្យថា ខ្ញុំ Positive, មានផ្ទុកមេរោគ Covid-19 នេះពិតមែន។ អ្វីដែលស្មានមិនដល់ បានកើតឡើងហើយ… ឥឡូវនេះ ខ្ញុំធ្វើតាមការណែនាំរបស់គ្រូពេទ្យ នឹង ពង្រឹងស្មារតីអោយបានល្អ រងចាំការព្យាបាល ។ សូមទោសអ្នករាល់គ្នាផង… បើខ្ញុំមិនមកពិនិត្យ ខ្ញុំគេចវេស វាជារឿងមិនល្អទេ សុខចិត្តអោយអ្នកទាំងអស់គ្នាជេរខ្ញុំ… សូមទោសមិត្តភក្តិ អ្នករាប់អាន ដែលខ្ញុំនាំទុក្ខអោយ.. សូមមេត្តាទៅពិនិត្យសុខភាពដែលនៅជិត នឹង ស្តាប់តាមការណែនាំរបស់រាជរដ្ឋាភិបាល កុំអោយស្តាយក្រោយដូចខ្ញុំ។”
បច្ចុប្បន្នលោកកំពុងសម្រាកព្យាបាលនៅមន្ទីរពេទ្យបង្អែកចាក់អង្រែ។