ក្រោយពីមានការចែកចាយនូវសំឡេងមួយដោយថា រាជធានីភ្នំពេញ នឹងត្រូវបិទនៅយប់ថ្ងៃទី១៥ ខែមីនា ឆ្នាំ២០២១នេះ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានចេញមកធ្វើការបញ្ជាក់ថា ព័ត៌មាននោះជាព័ត៌មានមិនពិត ហើយថា មិនមានការសម្រេចឲ្យបិទរាជធានីភ្នំពេញនៅយប់ថ្ងៃទី១៥ ខែមីនា ឆ្នាំ២០២១នេះទេ។
លោក ម៉េត មាសភក្ដី បានបញ្ជាក់ថា «គិតត្រឹមល្ងាចនេះ រាជធានីភ្នំពេញ មិនទាន់មានការសម្រេចណាមួយឲ្យបិទនោះទេ។ សូមប្រជាពលរដ្ឋកុំមានការយល់ច្រឡំ និងឈប់ចែកចាយដំណឹងក្លែងក្លាយបន្តទៀត»៕
