Connect with us

ជីវិតកម្សាន្ត

វី ឌីណែត អះអាងថា ម្តាយ​នាង​បានស្លាប់​ដោយសារ​ជំងឺកូវីដ១៩

Published

on

កញ្ញា វី ឌីណែត ដែលគេ​ដឹងថា គឺជា​តារាចម្រៀងនៅ​ផលិតកម្ម​ហង្ស​មាស បានសរសេរ​នៅ​លើទំព័រ facebook របស់ខ្លួន​នៅថ្ងៃទី១៩ ខែមីនា ឆ្នាំ​២០២១នេះ ម្តាយ​របស់​បាន​ស្លាប់​ហើយ​។

លោកស្រី ងួន សុផាន់នី អាយុ​៦២ឆ្នាំ ជា​ម្តាយ​របស់​កញ្ញា វី ឌីណែត និង​ក៏​ត្រូវ​ជា​ភរិយារបស់លោក ហួរ ឡាវី ត្រូវ​បាន​គេ​បញ្ជូន​ទៅធ្វើ​ការ​ព្យាបាល​នៅ​សណ្ឋាគារ Great Duke បន្ទាប់ពីរកឃើញវិជ្ជមានវីរុស​កូវីដ​១៩។

វី ឌីណែត បានរៀបរាប់នៅ​លើទំព័រ facebook របស់ខ្លួនថា “ខ្ញុំលែងមានម៉ាក់ហៅទៀតហើយ សូមម៉ាក់ទៅអោយបានសុខ ម៉ាក់កុំបារម្មណ៍ណាកូននឹងនៅមេីលថែប៉ា និងអ្នកផ្ទះយើងកូននឹងរឹងមាំ”។ សូម្បីតែមុខជាលើកចុងក្រោយ ក៏មិនបានឃើញ ។ ម៉ាក់ឈឺក៏កូនៗមិនអាចទៅមើលថែបាន ។ ម៉ាក់ខូចហើយក៏មិនអាចឃើញសូម្បីតែសព ។ ខ្ញុំក៏មិនអាចចេញទៅបាន ។ ចេញទៅធ្វើបុណ្យឲ្យម៉ាក់ក៏មិនបាន សូមឲ្យវិញ្ញាណក្ខន្ធម៉ាក់ទៅកាន់សុខគតិភពផងចុះ”។

ចំណែកទំព័រ facebook របស់លោក ហួរ ឡាវី វិញ ក៏​បាន​រៀបរាប់​នូវ​ទុក្ខក្រៀមក្រំដែរ។

សូម​បញ្ជាក់ថា កញ្ញា វី ឌីណែត ត្រូវ​គេ​រកឃើញ​វិជ្ជមាន​វីរុស​កូវីដ​១៩ ហើយ​បន្ទាប់​មក​ម្តាយ និង​ប្អូនស្រីនាង​ក៏​ត្រូវ​រកឃើញ​វិជ្ជមាន​ផងដែរ ប៉ុន្តែ​លោក ហួរ ឡាវី ដែលត្រូវ​ជាឪពុក មិនត្រូវរកឃើញ​វិជ្ជមានទេ។

យ៉ាងណាក៏ដោយ មក​ទល់ពេលនេះ ក្រសួងសុខាភិបាល​នៅ​មិន​ទាន់​បាន​បញ្ជាក់​ពីការ​ស្លាប់​នេះ​នៅ​ឡើយទេ៕

Advertisement
ក្នុងស្រុក13 ម៉ោង ago

ពីថ្ងៃទី១៤-២០ មេសា កម្ពុជា​អាច​នឹង​មាន​ភ្លៀងធ្លាក់រាយប៉ាយក្នុងកម្រិតខ្សោយ ទៅបង្គួរ

ក្នុងស្រុក6 ថ្ងៃ ago

នាវា​ចម្បាំង​​ដែល​លិច​ក្នុង​ទន្លេ​មេគង្គ​នៅ​ស្រុក​ស្រីសន្ធរ​ កាលពីសម័យ​សង្រ្គាម ត្រូវ​​ស្រង់​ចេញ​ពី​ទឹកហើយ

ក្នុងស្រុក2 សប្ដាហ៍ ago

រដ្ឋបាលរាជធានីភ្នំពេញ​ផ្អាកការធ្វើដំណើរ និង​​អាជីវកម្ម​ពេលយប់ ចាប់ពីម៉ោង៨យប់ ដល់​ម៉ោង​៥ភ្លឺ រយៈពេល​២សប្តាហ៍

ក្នុងស្រុក2 សប្ដាហ៍ ago

មនុស្សជាង៧០ម៉ឺននាក់ នឹង​ទទួល​បានការចាក់វ៉ាក់សាំងកូវីដ​១៩ ដែល​ផ្តើម​ពីថ្ងៃទី១ ខែមេសា

សេដ្ឋកិច្ច3 សប្ដាហ៍ ago

អ្នកសេដ្ឋកិច្ចរំពឹងថា សេដ្ឋកិច្ចកម្ពុជា​នឹង​ងើបឡើងវិញ ក្រោយ​ពលរដ្ឋ​ទាំងអស់ទទួលបានការចាក់វ៉ាក់សាំង