បុរសជនជាតិឡាវម្នាក់ ត្រូវបានកម្លាំងនគរបាលការពារព្រំដែន និងកម្លាំងការិយាល័យប្រឆាំងគ្រឿងញៀនស្ទាក់ចាប់បាននៅចំណុចស្ពានទីពីរ ក្នុងភូមិអូរស្វាយឃុំអូរស្វាយ ស្រុកបុរីអូរស្វាយសែនជ័យ ដោយរកឃើញកញ្ចប់គ្រឿងញៀនចំនួនបីដុំ កាលពីព្រឹកថ្ងៃទី៣១ ខែមីនានេះ។
សមត្ថកិច្ចបានបញ្ជាក់ថា ជនសង្ស័យនោះមានឈ្មោះ ផិតសាម៉នណយ អាយុ២៩ឆ្នាំ មុខរបរជាងដែក ស្នាក់នៅភូមិហាតស៊ូខូន ស្រុកខូង ខេត្តចំប៉ាសាក់ ប្រទេសឡាវ។
ដោយឡែកវត្ថុតាងមានមេតំហ្វេតាមីនចំនួនបីដុំ ទម្ងន់ប្រហែលបីគីឡូក្រាម ។
បន្ទាប់ពីឃាត់ខ្លួនជនសង្ស័យត្រូវបានសមត្ថកិច្ចក៏បានបញ្ជូនមកកាន់ស្នងការដ្ឋាននគរបាលខេត្តស្ទឹងត្រែងដើម្បីបន្តនីតិវិធី៕
