ចាការតា៖ ប៉ូលីសឥណ្ឌូនេស៊ីបាននិយាយកាលពីថ្ងៃព្រហស្បតិ៍ទី ១ ខែ មេសា ថា ពួកគេនឹងបង្កើនសន្តិសុខនៅតាមព្រះវិហារនានានៅទូទាំងប្រទេស នៅមុនថ្ងៃចុងសប្តាហ៍ នៃបុណ្យអ៊ីស្ទើរបន្ទាប់ពីការវាយប្រហារភេរវកម្ម ចំនួនពីរលើកកាលពីពេលថ្មីៗ ។ នេះបើយោងតាមការផ្សាយរបស់CNA នាព្រឹកថ្ងៃទី០២ មេសា នេះ ។
អ្នកនាំពាក្យប៉ូលីសជាតិលោក Rusdi Hartono បានប្រាប់អ្នកសារព័ត៌មានថា« ដោយមើលឃើញពីស្ថានភាពអសន្តិសុខនាពេលថ្មីៗនេះ ជាពិសេសឧប្បត្តិហេតុនៅ Makassar អគ្គស្នងការនគរបាលជាតិបានណែនាំដល់ប៉ូលីសនៅគ្រប់តំបន់ទាំងអស់អោយបង្កើនការប្រុងប្រយ័ត្នចំពោះសកម្មភាពភេរវកម្ម ជាពិសេសនៅក្នុងប្រតិបត្តិការរបស់ពួកគេដើម្បីរក្សាបាននូវសន្តិសុខសម្រាប់បុណ្យអ៊ីស្ទើរ » ៕