កាលពីថ្ងៃទី០៦ ខែមេសា ឆ្នាំ២០២១កន្លងទៅនេះ កម្លាំងសមត្ថកិច្ចបានបើកប្រតិបត្តិការបង្រ្កាបករណីជួញដូរគ្រឿងញៀនដ៏ធំមួយ នៅចំណុចចំណតរថយន្តផ្សារខាលែនឌែល ម៉ល (បឹងកក់) ស្ថិតក្នុងសង្កាត់ស្រះចក ខណ្ឌដូនពេញ ដោយធ្វើការឃាត់ខ្លួនមនុស្សចំនួន៣នាក់ ក្នុងនោះមានស្នងការរងនគរបាលខេត្តកំពតម្នាក់ រួមជាមួយគ្រឿងញៀនជិត២គីឡូក្រាម។
យោងតាមរបាយការណ៍ជនសង្ស័យទាំង៣នាក់នោះរួមមាន៖
ទី១៖ ឈ្មោះ អ៉ឹម ឈួន អាយុ៥១ឆ្នាំ (រូបអាវក្រហម) ជាស្នងការរងនគរបាលខេត្តកំពត ទទួលផែនអគ្គិភ័យ និងអាវុធជាតិផ្ទុះ
*ទី២៖ ឈ្មោះ កែវ ទិត្យមេសា អាយុ២១ឆ្នាំ
*ទី៣៖ ឈ្មោះ ហុង គា អាយុ៦១ឆ្នាំ។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនទៅអគ្គស្នងការដ្ឋាននគរបាលជាតិ ដើម្បីកសាងសំណុំរឿងចាត់ការបន្ដតាមនីតិវិធី៕