ថ្ងៃនេះ កម្ពុជារកឃើញករណីឆ្លងកូវីដថ្មីចំនួន ១១៣នាក់ និងជាសះស្បើយ ៩០នាក់

ក្រសួងសុខាភិបាលកម្ពុជា បានប្រកាស​នៅ​ព្រឹកថ្ងៃទី០៨ ខែមេសា ឆ្នាំ២០២១នេះថា គេ​បានរកឃើញអ្នកឆ្លងជំងឺកូវីដ-១៩ ថ្មីចំនួន ១១៣នាក់បន្ថែមទៀត ដែលសុទ្ធតែ​ជាប់ពាក់ព័ន្ធក្នុង«ព្រឹត្តិការណ៍សហគមន៍២០កុម្ភៈ» និងជាសះស្បើយចំនួន ៩០នាក់ផងដែរ។

គិតត្រឹមម៉ោង៧ព្រឹក ថ្ងៃទី០៨ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ៣០២៨នាក់ ជាសះស្បើយចំនួន ១៩១៤នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១០៨៥នាក់ ហើយករណីស្លាប់ ២៤នាក់៕