កំពង់ចាម ៖ សមត្ថកិច្ចបាននិយាយថា គេបានឃាត់ខ្លួនបុរសជាជាងកាត់កញ្ចក់ម្នាក់កាលពីថ្ងៃទី១១ មេសា នៅក្នុងទីរួមខេត្តកំពង់ចាម ពីបទញុះញុង់ធ្វើឲ្យមានការវឹកវរប៉ះពាល់ដល់សន្តិសុខជាតិ , រារាំងដល់ការអនុវត្តវិធានការ និងបទប្រមាថ ប្រព្រឹត្តនៅប្រទេសកម្ពុជា កាលពីក្នុងខែមីនា ដល់ខែមេសា ឆ្នាំ២០២១ ។
ជនដែលរងការចោទថា បានប្រើប្រាស់faceboo ធ្វើឲ្យប៉ះពាល់សន្ដិសុខសង្គម
ជនសង្ស័យឈ្មោះ មាន ពន្លក ហៅ បង តា ដែលមានគណនី Tiktok ឈ្មោះ នាយ ប្រុញ និងមានគណនីហ្វេសប៊ុក ឈ្មោះ បង តា មានមុខរបរ ជាជាងកាត់កញ្ចក់ នៅទីរួមខេត្តកំពង់ចាម ។
បច្ចុប្បន្នជនសង្ស័យកំពុងត្រូវបានសួរនាំ នៅស្នងការដ្ឋាននគរបាលខេត្តកំពង់ចាម ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕