(ភ្នំពេញ)៖ រដ្ឋបាលរាជធានីភ្នំពេញ បានជូនដំណឹងនៅថ្ងៃនេះថា ខ្លួនបានសម្រេចធ្វើការផ្អាកការផ្តល់សេវារថយន្តក្រុង (City Bus) និងសេវាកាណូត (Taxi Boat) ជាបណ្តោះអាសន្ន ចាប់ពីថ្ងៃជូនដំណឹងនេះទៅ។
រថយន្តក្រុងសាធារណៈរបស់រដ្ឋ
ការផ្អាកបណ្តោះអាសន្ននូវសេវាដឹកជញ្ជូនអ្នកដំណើររបស់រដ្ឋនេះ គឺដើម្បីរួមចំណែកក្នុងការទប់ស្កាត់ ការចម្លង និងការរីករាលដាលមេរោគកូវីដ១៩ ដែលកំពុងរាតត្បាតនៅទូទាំងពិភពលោក ហើយនៅប្រទេសកម្ពុជា ជាពិសេសរាជធានីភ្នំពេញ ក្រសួងសុខាភិបាលក៏បានរកឃើញមានអ្នកផ្ទុកមេរោគកូវីដ១៩នេះមួយចំនួនផងដែរ។
យ៉ាងណាក៏ដោយ បើតាមការបញ្ជាក់របស់រដ្ឋបាលរាជធានីភ្នំពេញ សេវាដឹកជញ្ជូនអ្នកដំណើររបស់រដ្ឋទាំងពីរនេះ នឹងដំណើរការឡើងវិញ រហូតដល់ស្ថានការណ៍ នៃមេរោគកូវីដ១៩ បានធូរស្បើយ៕
