ព្យុងយ៉ាង ៖ អ្នកនាំពាក្យក្រសួងការបរទេសកូរ៉េខាងជើងបាននិយាយនៅថ្ងៃអាទិត្យ (២ ឧសភា) នេះថា ការអត្ថាធិប្បាយថ្មីៗរបស់ប្រធានាធិបតីអាមេរិក Joe Biden និងសមាជិក នៃរដ្ឋបាលរបស់គាត់បង្ហាញថា គាត់មានចេតនារក្សាគោលនយោបាយអរិភាពចំពោះកូរ៉េខាងជើង ដែលនឹងត្រូវការ ការឆ្លើយតបពីក្រុងព្យុងយ៉ាង។ នេះបើតាមការផ្សាយរបស់cna ។
លោក គីម ជុងអ៊ុន មេដឹកនាំកំពូលកូរ៉េខាងជើង និងលោក ចូ ប៊ីដិន ប្រធានាធិបតីអាមេរិក
ការអត្ថាធិប្បាយនេះ បានធ្វើឡើងនៅក្នុងសេចក្តីថ្លែងការណ៍ជាបន្តបន្ទាប់ ដែលត្រូវបានផ្សព្វផ្សាយដោយទីភ្នាក់ងារសារព័ត៌មានរដ្ឋ KCNA បន្ទាប់ពីសេតវិមានកាលពីថ្ងៃសុក្របាននិយាយថា មន្រ្តីអាមេរិកបានបញ្ចប់ការត្រួតពិនិត្យរយៈពេលមួយខែ នៃគោលនយោបាយរបស់កូរ៉េខាងជើង ដែលនៅតែមានការបំពានខាងសិទ្ធិមនុស្សធ្ងន់ធ្ងរ ។
នៅក្នុងសេចក្តីថ្លែងការណ៍មួយអ្នកនាំពាក្យក្រសួងការបរទេសបានចោទទីក្រុងវ៉ាស៊ីនតោនថា បានជេរប្រមាថសេចក្តីថ្លៃថ្នូររបស់ថ្នាក់ដឹកនាំកំពូលរបស់ប្រទេស ដោយការរិះគន់ពីស្ថានភាពសិទ្ធិមនុស្ស ៕
