(ភ្នំពេញ) – រដ្ឋបាលរាជធានីភ្នំពេញ បានសម្រេចដាក់ចេញវិធានការដ្ឋបាល រយៈពេល៧ថ្ងៃបន្តទៀត ដោយគិតចាប់ពីម៉ោងសូន្យ ថ្ងៃទី១៣ ខែឧសភា រហូតដល់ថ្ងៃទី១៩ ខែឧសភា ឆ្នាំ២០២១ ដើម្បីជាការទប់ស្កាត់ការឆ្លងរាលដាល នៃជំងឺកូវីដ១៩។
យោងតាមការកំណត់របស់រដ្ឋបាលរាជធានីភ្នំពេញ ឃើញថា តំបន់ក្រហម ដែលសំដៅដល់ភូមិសាស្រ្តដែលមានការឆ្លងរាលដាលធ្ងន់ធ្ងរ នៃជំងឺកូវីដ១៩ គឺមានតែនៅក្នុងខណ្ឌចំនួន៤ប៉ុណ្ណោះ ក្នុងចំណោមខណ្ឌទាំង១៤របស់រាជធានីភ្នំពេញ ហើយក៏ត្រូវបានបង្រួមទៅជាសង្កាត់ និងភូមិទៀតផង។