កាលពីថ្ងៃសុក្រកន្លងទៅនេះ គេឃើញពលរដ្ឋអាមេរិកភាគច្រើន មិនបានពាក់ម៉ាស់នៅតាមទីសាធារណៈឡើយ ក្រោយពីមជ្ឈមណ្ឌលត្រួតពិនិត្យ និងបង្ការជំងឺ (CDC) បានប្រកាសបន្ថូរបន្ថយគោលការណ៍ពាក់ម៉ាស់សម្រាប់ប្រជាជនដែលបានចាក់វ៉ាក់សាំងការពារជំងឺកូវីដ១៩រួចរាល់។
ការសម្រេចអនុវត្តវិធានការនេះ គឺបានកើតឡើងនៅពេលដែលជនជាតិអាមេរិកច្រើនជាងមួយភាគបីបានទទួលការចាក់វ៉ាក់សាំងពេញលេញ ហើយចំនួនករណីឆ្លងប្រចាំថ្ងៃមានការធ្លាក់ចុះមកនៅក្រោម ៣៥ ០០០នាក់ ដែលជាកម្រិតទាបបំផុតចាប់តាំងពីខែកញ្ញាមក។
ជាមួយនឹងភាពធូរស្រាល ខណៈប្រជាជនមួយចំនួនធំបានចាក់វ៉ាក់សាំងនោះនោះ កាលពីថ្ងៃសៅរ៍ មានរដ្ឋចំនួន១៨ បានប្រកាសពីផែនការបញ្ចប់វិធានការពាក់ម៉ាស់នៅទីសាធារណៈក្នុងរយៈពេលប៉ុន្មានសប្តាហ៍ខាងមុខ៕