យោងតាមសេចក្តីជូនដំណឹងរបស់រដ្ឋបាលស្រុកបាទី កាលពីល្ងាចថ្ងៃទី១៦ ខែឧសភា ឆ្នាំ២០២១នេះបានឲ្យដឹងថា ស្រុកមួយនេះបានរកឃើញអ្នកវិជ្ជមានវីរុសកូវីដ១៩ សរុបចំនួន ៥០នាក់ ភាគច្រើនស្ថិតនៅក្នុងឃុំត្រពាំងសាប និងជាកម្មករនៅរោងចក្រសាន់បូរ។
ជាមួយគ្នានេះដែរ រដ្ឋបាលស្រុកបាទី ក៏បានអំពាវនាវដល់បងប្អូនប្រជាពលរដ្ឋ ដែលធ្លាប់ប្រាស្រ័យទាក់ទងជាមួយនឹងអ្នកជំងឺ១៩ ទាំងអស់ ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរាន់ទៅយកសំណាកទៅតាមទីតាំង ដែលបានកំណត់ក្នុងនោះមណ្ឌលសុខភាព និងមន្ទីរពេទ្យបង្អែកស្រុកបាទី ព្រមទាំងត្រូវដាក់ខ្លួនឲ្យនៅដាច់ដោយឡែករយៈពេល១៤ថ្ងៃ៕
