សៀមរាប — សំណង់អគាររបស់ក្រុមហ៊ុនមួយស្ថិតនៅភូមិវិហារចិន សង្កាត់ស្វាយដង្គំ ក្រុងសៀមរាប ត្រូវគេរាយការណ៍ថា បានបាក់កាលពីថ្ងៃអាទិត្យកន្លងទៅបណ្តាលឲ្យកម្មករមួយចំនួនរងរបួស ប៉ុន្តែក្រុមហ៊ុនបានព្យាយាមលាក់បាំង។
សេចក្តីរាយការណ៍ថា ឧប្បត្តិហេតុបាក់សំណង់អគារនេះ បានកើតឡើងនៅរសៀលថ្ងៃទី៨ ខែសីហា ឆ្នាំ២០២១ បានបណ្តាលឲ្យកម្មករមួយចំនួនរងរបួស ប៉ុន្តែមិនប៉ះពាល់ដល់ជីវិតនោះទេ ខណៈដែលអាជ្ញាធរបដិសេធមិនផ្តល់ព័ត៌មាន។
តែយ៉ាងណាក៏ដោយ បើតាមប្រជាពលរដ្ឋរស់នៅក្បែរនោះបាននិយាយថា សំណង់អគារនោះ គឺសាងសង់ដោយក្រុមហ៊ុនឈ្មោះ Rose Apple Square ហើយមូលហេតុដែលបណ្តាលឲ្យបាក់ មកពីបញ្ហាបច្ចេកទេស (បាក់ឈើជន្ទល’) ដោយសំណង់ដែលបាក់នោះក្រោមមានប្រវែងប្រមាណ១០ម៉ែត្រ។
គួរបញ្ជាក់ថា ករណីបាក់រលំសំណង់អគារនៅក្នុងខេត្តសៀមរាបនេះ គឺបានកើតឡើងចំនួន២ដងហើយ ដោយកាលពីប៉ុន្មានឆ្នាំមុន ក៏ធ្លាក់មានករណីបាក់សំណង់សាលាឆាន់មួយផងដែរ៕
ដោយ៖ តាំង ហូ