ព្រះសីហនុ៖ ប្រជាពលរដ្ឋរស់នៅខេត្តព្រះសីហនុ បានឲ្យដឹងថា កាលពីយប់ថ្ងៃទី២២ ខែសីហា ឆ្នាំ២០២១ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្ដម៉ាក លុចស៊ីស បុកប៉ះជាមួយម៉ូតូ ម៉ាកហុង នៅលើកំណាត់ផ្លូវឯករាជ កែងផ្លូវឡើងទៅបេនឡាន មហោស្របចាស់ ទល់មុខស្ថានីយ៍ប្រេងឥន្ទនៈកាល់តិច ស្ថិតក្នុងភូមិ២ សង្កាត់លេខ២ ក្រុងព្រះសីហនុ ខេត្តព្រះសីហនុ។
ប្រជាពលរដ្ឋបានបញ្ជាក់ថា មានរថយន្ដ ម៉ាកលុចស៊ីស មួយគ្រឿង ពាក់ស្លាកលេខខេមរភូមិន្ទ 01 2-6945 អ្នកបើកបរឈ្មោះ កុសល ជាមន្រ្តីកងរាជអាវុធហត្ថខេត្តព្រះសីហនុ មានឋារន្ដស័កអនុសេនីឯក បើកបរតាមបណ្តោយផ្លូវឯករាជ លុះដល់កន្លែងកើតហេតុខាងលើ បានបុកប៉ះជាមួយម៉ូតូ ម៉ាកហុងដា ពណ៌ខ្មៅ (គ្មានស្លាក់លេខ)
បើកចុះពីផ្លូវបេនឡានមហោស្រប បណ្តាលឱ្យស្រ្តីម្នាក់រងរបួស។ ក្រោយកើតហេតុ រថយន្តខាងលើបានព្យាយាមបើករត់ ប៉ុន្តែត្រូវបានបុគ្គលិកដឹកជញ្ជូនដេញតាមស្ទាក់ចាប់បាន។ ហើយក៏ត្រូវម្ចាស់រថយន្ត ជេប្រមាថពួកគាត់ឡើយចាស់ដៃតែម្តង។
បន្ថែមលើនេះ ម្ចាស់រថយន្ត ឈ្មោះ កុសល ជាមន្រ្តីកងរាជអាវុធហត្ថខេត្តព្រះសីហនុ មានឋារន្ដស័កអនុសេនីឯក ផងនោះ បានប្រើពាក្យមិនសមរម្យថា ៉អញបុកមួយ អញសងមួយ អញបុកពីរ អញសងពីរ ៉។
ពាក់ព័ន្ធករណីនេះ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានឱ្យដឹងថា ចំពោះបុគ្គលដែលល្មើសនឹងច្បាប់ លោកមិនលើកលែងអោយទេ លោកនិងអនុវត្តវិន័យរបស់កងយោធពលខេមរៈភូមិន្ទ៕
ដោយ ដែនសមុទ្រ