ភ្នំពេញ : ឆ្លៀតក្នុងដំណើរទស្សនកិច្ចរយៈពេលពីរថ្ងៃមកកាន់កម្ពុជា (១២-១៣ កញ្ញា) នារសៀលថ្ងៃទី ១២ កញ្ញា នេះ លោក វ៉ាង យី ទីប្រឹក្សារដ្ឋ និងជារដ្ឋមន្ត្រីការ បរទេស នៃសាធារណរដ្ឋប្រជាមានិតចិន បានអញ្ជើញក្នុងពិធីប្រគល់-ទទួល ពហុកីឡដ្ឋានជាតិមរតកតេជោ ដែលទើបបញ្ចប់ការសាងសង់កាលពីខែសីហា ដោយហិរញ្ញប្បទានឥតសំណងរបស់ចិនមកឲ្យកម្ពុជា ។
រូបពហុកីឡាដ្ឋានជាតិមរតកតេជោ ដែលមានរាងដូចសំពៅ
បើតាមលោក ថោងមខុន រដ្ឋមន្ត្រីក្រសួងទេសចរណ៍ថាពហុកីឡដ្ឋានមរតកតេជោ ដែលមានទីតាំងស្ថិតនៅភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញនេះ អាចផ្ទុកអ្នកទស្សនាបានប្រមាណ ៦ម៉ឺននាក់ និងអាចជម្លៀសទស្សនិកជនត្រឹមរយៈពេល ៧នាទីក្នុងករណីមានហេតុការណ៍មិនប្រក្រតីកើត ឡើង។
សម្ដេចនាយករដ្ឋមន្ត្រី ហ៊ុន សែន ក្នុងពិធីប្រគល់-ទទួលពហុកីឡដ្ឋានជាតិមរតកតេជោ
សូមបញ្ជាក់ថា ពហុកីឡដ្ឋានទំនើបមួយនេះបានចាប់ ផ្ដើមសាងសង់កាលពីឆ្នាំ ២០១៥ ។ យោងតាមគេហ ទំព័រចិន South China Morning Post (SCMP) ថា វាត្រូវបានចំណាយថវិកាអស់ប្រមាណ ១៦០ លានដុល្លារអាមេរិក ៕
លោក វ៉ាង យី ទីប្រឹក្សារដ្ឋចិន និងជារដ្ឋមន្ត្រីក្រសួងការបរទេស
