រដ្ឋបាលអាហារ និងឱសថថៃ ហៅកាត់ថា FDA កាលពីម្សិលមិញ បានសម្រេចអនុម័តឲ្យប្រើប្រាស់វ៉ាក់សាំងកូវីដ១៩ ប្រភេទ Moderna ចាក់ជូនក្រុមកុមារនិងយុវវ័យ អាយុចាប់ពី១២ ដល់ ១៧ឆ្នាំ។
ការសម្រេចរបស់ FDA នេះគឺជាការសាទរយ៉ាងខ្លាំង ដោយគេរំពឹងថា ក្រុមវ័យនេះអាចមានអង់ទីគ័រការពារជំងឺកូវីដ១៩ ជាពិសេស ចំពេលមានជំងឺវីរុសបម្លែងខ្លួនថ្មី ឌែលតា។
យ៉ាងណាក៏ដោយ វ៉ាក់សាំង Moderna របស់អាមេរិកនេះ មិនទាន់មានវត្តមាននៅប្រទេសថៃនៅឡើយទេ ប៉ុន្តែបានបញ្ជាទិញរួចរាល់ហើយ ដោយលឺថា អាចមកដល់នៅត្រីមាសទី៤នៃឆ្នាំ២០២១ ឬ ចាប់ផ្តើមចាក់នៅដើមឆ្នាំ២០២២៕