កំពង់ចាម — ក្រុមការងារសាប៊ូលីប៉ាយ នៅថ្ងៃនេះ (២៣ កញ្ញា) បាននាំយកសាប៊ូ ក៏ដូចជាសម្ភារៈការពារជំងឺកូវីដ១៩ ទៅចែកជូនសាលារៀននៅក្នុងស្រុកចំនួន២ នៃខេត្តកំពង់ចាម គឺស្រុកចំការលើ និងស្រុកស្ទឹងត្រង់។
សូមបញ្ជាក់ថា ដើម្បីជាការចូលរួមចំណែកជួយដល់កិច្ចការងារសង្គម ពិសេសដើម្បីចូលរួមការបង្ការ និងទប់ស្កាត់ការរីករាលដាលនៃជំងឺកូវីដ១៩ នៅកម្ពុជា ក្នុងឱកាសបើកដំណើរការគ្រឹះស្ថានសិក្សាសាធារណៈឡើងវិញ ក្រុមហ៊ុនសាប៊ូលីប៉ាយ បានប្រកាសក្នុងការផ្តល់ជូនគ្រឹះស្ថានសិក្សាសាធារណៈទាំងអស់នូវសាប៊ូលីប៉ាយ សម្រាប់ជូនលោកគ្រូអ្នកគ្រូ សិស្សានុសិស្សបានប្រើប្រាស់។
ដូច្នេះគ្រប់គ្រឹះស្ថានសិក្សាទាំងអស់ដែលត្រូវការ គ្រឹះស្ថានសិក្សាទាំងនោះ គ្រាន់តែធ្វើការទំនាក់ទំនងកាន់ទំព័រហ្វេសប៊ុកផ្លូវការរបស់ក្រុមហ៊ុនសាប៊ូលីប៉ាយ ឬតាមដេប៉ូសាខារបស់ក្រុមហ៊ុនតែប៉ុណ្ណោះ៕
