Connect with us

Hi, what are you looking for?

សេដ្ឋកិច្ច

ប្រាក់ឈ្នួលសម្រាប់កម្មករ​នៅឆ្នាំ​២០២២ នឹង​ឡើង​ដល់ ១៩៤ដុល្លារ

យោង​តាម​សេចក្តីប្រកាស​មួយ​របស់ក្រសួងការងារ និង​បណ្តុះបណ្តាល​វិជ្ជាជីវៈ ​បាន​ឲ្យដឹងថា ក្រោយ​ពីកិច្ច​ប្រជុំចុងក្រោយ នៅថ្ងៃទី២៨ ខែកញ្ញា ឆ្នាំ​២០២១នេះ ភាគីពាក់ព័ន្ធដែលមានតំណាងកម្មករ, តំណាង​និយោជក និង​តំណាង​រាជរដ្ឋាភិបាល បានសម្រេច​បោះឆ្នោតកំណត់​តួលេខ​ប្រាក់ឈ្នួលអប្បបរមា​របស់កម្មករ​ចំនួន ១៩៤ដុល្លារ​សម្រាប់ឆ្នាំ​២០២២ខាងមុខ។

សូម​បញ្ជាក់ថា នៅព្រឹកថ្ងៃទី២៨ ខែកញ្ញានេះ ក្រុមប្រឹក្សាជាតិប្រាក់ឈ្នួលអប្បបរមា ដែលជាយន្តការត្រីភាគី និងមានសមាជិកជាតំណាងភាគីកម្មករនិយោជិតចំនួន ១៧រូប, តំណាងភាគីនិយោជកចំនួន ១៧រូប និងតំណាងភាគីរាជរដ្ឋាភិបាលចំនួន ១៧រូប បានប្រជុំលើកចុងក្រោយ ដើម្បីបោះឆ្នោតកំណត់តួលេខដំឡើងប្រាក់ឈ្នួល លើតួលេខ៣ដែលស្នើដោយភាគីពាក់ព័ន្ធ មានដូចជា ១៨៨ដុល្លារ, ២០៤ដុល្លារ និង១៩២ដុល្លារ ដោយក្នុងនោះតួលេខប្រាក់ឈ្នួល ១៩២ដុល្លារ ទទួលបានសំឡេងគាំទ្រច្រើនជាងគេ គឺ៤៥សំឡេង លើ៥១សំឡេង។

បើតាមក្រសួងការងារថា ទោះស្ថិតនៅក្នុងបរិការណ៍នៃការរីករាលដាលជំងឺកូវីដ-១៩ ដែលកំពុងជះឥទ្ធិពលអវិជ្ជមានដល់សេដ្ឋកិច្ចនិងសង្គម ជាពិសេសទៅលើបញ្ហាសុខភាព និងជីវភាពរបស់ប្រជាពលរដ្ឋ សម្តេចអគ្គមហា សេនា បតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចបន្ថែមទឹកប្រាក់ចំនួន ២ (ពីរ) ដុល្លារអាម៉េរិក លើទឹកប្រាក់ចំនួន ១៩២ (មួយរយកៅសិបពីរ) ដុល្លារ អាម៉េរិក។ ដូច្នេះចាប់ ពីថ្ងៃ ទី១ ខែមករា ឆ្នាំ២០២២ បងប្អូនកម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប នឹងមានប្រាក់ឈ្នួលអប្បបរមាចំនួន ១៩៤ (មួយរយកៅសិបបួន) ដុល្លារអាម៉េរិក ក្នុងមួយខែ ចំពោះកម្មករនិយោជិតពេញសិទ្ធិ និងចំនួន ១៩២ (មួយរយកៅសិបពីរ) ដុល្លារអាម៉េរិក ក្នុងមួយខែ ចំពោះកម្មករនិយោជិត សាកល្បង៕

Advertisement
Advertisement

Facebook

អត្ថបទទាក់ទង

ក្នុងស្រុក

​ព្រះរាជក្រឹត្យ​មួយ​ ដែល...

ក្នុងស្រុក

ភ្នំពេញ៖ ក្រសួងការងារបាន...

ក្នុងស្រុក

ភ្នំពេញ៖ នៅថ្ងៃពុធ ទី២៣ ...

error: Content is protected !!