ព្រះសីហនុ៖ កាលពីថ្ងៃទី២៦ ដល់ថ្ងៃទី២៧ ខែកញ្ញា ឆ្នាំ២០២១ កម្លាំងនគរបាលជំនាញប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ មានការសម្របសម្រួលដោយលោក ហួត វិចិត្រ ព្រះរាជអាជ្ញារង អមសាលាដំបូងខេត្ត បានឃាត់ខ្លួន ជនសង្ស័យ ជាជនជាតិចិនចំនួន ៦នាក់(ស្រី១នាក់) ពាក់ព័ន្ធករណីគ្រឿងញៀន នៅចំណុចសង្កាត់លេខ២ និងសង្កាត់លេខ៤ ក្រុងព្រះសីហនុ ខេត្ដព្រះសីហនុ ។
សមត្ថកិច្ច បានឱ្យដឹងថា ជនសង្ស័យខាងលើ រួមមាន៖
ទី១-ឈ្មោះ YANG KUN ភេទប្រុស អាយុ៣១ឆ្នាំ
ទី២-ឈ្មោះ CHEN YONG ភេទប្រុស អាយុ៣៥ឆ្នាំ
ទី៣-ឈ្មោះ ZHOU HONG ភេទស្រី អាយុ៣៤ឆ្នាំ
ទី៤-ឈ្មោះ FANZHANG WEI ភេទប្រុស អាយុ២៩ឆ្នាំ
ទី៥-ឈ្មោះ HONG JIN HONG ភេទប្រុស អាយុ៤៩ឆ្នាំ
ទី៦-ឈ្មោះ CHAO FENG ភេទប្រុស អាយុ៣២ឆ្នាំ។
នៅពេលឃាត់ខ្លួនជនសង្ស័យ សមត្ថកិច្ចបានដកហូតវត្ថុតាងរួមមាន៖
-ថ្នាំញៀន កេតាមីន ទំងន់ ៣៩២,៩៦ ក្រាម
-ថ្នាំញៀន Ice ទំងន់ ៤៦៨,៦៥ ក្រាម
-ថ្នាំញៀន WY ២៨៧គ្រាប់
-កញ្ឆាក្រៀម ចំនួន ២កញ្ចប់តូច
-ថ្នាំដបពណ៌មាស ចំនួន ២ដប
-ជញ្ជីងថ្លឹងថ្នាំ ចំនួន ០១គ្រឿង
-រថយន្ត ចំនួន ០២គ្រឿង
-ទូរសព្ទ័ ចំនួន ១០គ្រឿង។
បច្ចុប្បន្ន ជនសង្ស័យខាងលើ កំពុងត្រូវបានកម្លាំងជំនាញបាននាំមកកាន់ស្នងការដ្ឋាននគរបាលខេត្ត កំពុងបន្ដការសាកសួរ និងចាត់ការតាមនីតិវិធីច្បាប់៕
ដោយ ដែនសមុទ្រ