ព្រះសីហនុ៖ កាលពីព្រឹក ថ្ងៃទី២៩ ខែកញ្ញា ឆ្នាំ២០២១ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអញ្ជើញជាអធិបតី ក្នុងពិធីប្រកាសមុខតំណែង លោកវរសេនីយ៍ទោ អ៊ួង វុទ្ធី ជាអធិការ នៃអធិការដ្ឋាននគរបាលស្រុកព្រៃនប់ ជំនួសលោកវរសេនីយ៍ឯក ហួរ យ៉ៃ ដែលត្រូវបានផ្ទេរភារកិច្ចទៅទទួលតួនាទីជាស្នងការរង នៃស្នងការដ្នគរបាលខេត្តកំពតវិញ។
បានឃើញប្រកាសលេខ១៧៧១ ប្រ.ក ចុះថ្ងៃទី២៩ ខែមិថុនា ឆ្នាំ២០២១ របស់ក្រសួងមហាផ្ទៃ។
នាឱកាសនោះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជាឲ្យកម្លាំងនគរបាលស្រុកព្រៃនប់ សហការជាមួយកម្លាំងគណបញ្ជាការឯកភាពរដ្ឋបាលស្រុក ធ្វើប្រតិបត្តិការរក្សាសន្តិសុខសុវត្ថិភាពជូនប្រពលរដ្ឋតាមភូមិ ឃុំក្នុងស្រុក ផ្សព្វផ្សាយវិធានការនានា និងអនុវត្តន៍ផ្លូវច្បាប់ ដើម្បីទប់ស្កាត់គ្រោះថ្នាក់ចរាចរណ៍តាមផ្លូវជាតិ បង្ក្រាបបទល្មើសគ្រឿងញៀន ឬបទល្មើសផ្សេងទៀត និងចូលរួមគ្រប់សកម្មភាពក្នុងការងារបង្ការទប់ស្កាត់ជំងឺកូវីដ១៩៕ ដោយ ដែនសមុទ្រ
