(ភ្នំពេញ) – លោក ម៉ៃ តុលា អតីតអគ្គលេខាធិការរងសហព័ន្ធកីឡាបាល់ទាត់កម្ពុជា ត្រូវបានកម្លាំងកងរាជអាវុធហត្ថធ្វើការឃាត់ខ្លួនកាលពីរសៀលថ្ងៃទី៧ ខែឧសភា ម្សិលមិញនេះ បន្ទាប់មកក៏បានបញ្ជូនទៅកាន់អង្គភាពប្រឆាំងអំពើពុករលួយ។
ការចាប់ខ្លួនលោក ម៉ៃ តុលា នេះ ត្រូវគេមើលឃើញថា បានធ្វើឡើងបន្ទាប់ពីសហព័ន្ធកីឡាបាល់ទាត់កម្ពុជាបានសម្រេចព្យួរមន្រ្តី និងអតីតមន្រ្តីរបស់ខ្លួនចំនួន៤រូប ក្នុងនោះក៏មានលោក ម៉ៃ តុលា មិនឲ្យពាក់ព័ន្ធនឹងវិស័យកីឡាបាល់ទាត់អស់មួយជីវិត ដោយពីមានការរកឃើញថា ពួកគេមានពាក់ព័ន្ធនឹងការកឹបកេងប្រាក់ក្នុងការរៀបចំការប្រកួតបាល់ទាត់ Tiger Street football តាំងតែពីឆ្នាំ២០១៣ រហូតមកដល់ឆ្នាំ២០១៩។
តាមការបញ្ជាក់របស់លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ក្នុងសន្និសីទសារព័ត៌មានដែលធ្វើឡើងកាលពីពេលថ្មីៗនេះបានបញ្ជាក់ថា ចំនួនទឹកប្រាក់ដែលត្រូវកឹបកេងនោះ គឺមានប្រមាណជា ៣០ភាគរយ ឬក៏ស្មើនឹងជិត ៦ម៉ឺនដុល្លារអាមេរិក៕